IEO-Arièja

IEO-Arièja

Actualitats

Animacions de l'Espaci occitan

Talhièr cant per adultes, le dimars cada 15 jorns de 18h00 a 20h00 animat per Pascale Respaud de Revelhet. Tarifa : 80 € per l'annada

Talhièr danças tradicionalas per adultes, le dimècres cada 15 jorns de 18h00 a 20h00 animat per Nicole Picard. Tarifa : 35 € per l'annada

Talhièr tricòt pels mainatges, le dimars de 17h00 a 18h00 animat per Marie-Ange Lagarde. Tarifa : 10 € per l'annada

Aquelis talhièrs son prepausats per La Lauseta ; entresenhas e inscripcions a lauseta@gmail.com o ieo09@ieo-oc.org o al 05.61.69.60.96

*******************

CRIDA 

 

La Calandreta cèrca d’intervenents benevòls que pòdon propausar una animacion en occitan per la pichona enfànça (0/3ans).

D’efièit, dins l’encastre de son desvolopament e de la visibilitat de l'aprendissatge en occitan, la Calandreta desira propausar a las grépias e als relaisses d'ajudas mairalas del sector de Pàmias d’animacions d'un vintenat de minutas, cants, contes, danças, rondas...

Las intervencions se debanarián entre fin de febrièr e fin de març (cap amont de la jornada pòrta dubèrta que se tendrà le 25 de març). Los jorns e oraris seràn de fixar en foncion de las disponibilitats de las grépias coma dels intervenents.

Sètz interessats ? Contactatz Judith al 06 82 28 48 71 o Johanna al 06 80 07 07 99.


Plan mercé.

Johanna per la Calandreta

*******************

Concors de novèlas 2017

 

Lector del Val

 

Lo Lector del Val (associacion de bibliotècas del Lauragués) vos prepausa un concors d'escritura de tèxt cort :

- que debuta per la frasa : "Tota estabosida, es a fintar l'orguena granda jos la rosassa : coquin de sòrt, i manca un tudèl !" Escrivètz la seguida…

- de 6 paginas (12 000 signes) al mai, numerotadas, croquetadas, non signadas, amb un títol

- de mandar en 6 còpias de papièr e une còpia numeric al mai tard lo 21 de febrièr de 2017 a : Lector del Val – 1, route de Pompertuzat -31450 DEYME / info@lecteurduval.org / 05.61.00.51.16

Quatre categorias : Escòla primària, Collègi, Licèu, Adulte. Vos cal pas desbrembar de júnher la ficha d'inscripcion (se marcar en linha sus www.lecteurduval.org e imprimir). Los melhors tèxtes seràn publicats e enregistrats. Règlament complet sus internet.

*******************

Prèmi Pèir de Garròs

Après la capitada del Ièr Prèmi Pèir de Garròs las edicions Letras d’òc – Camins i tornan !

Lo IInd Prèmi Pèir de Garròs de traduccion en lenga occitana es donc dubèrt.

E per daissar mès de temps als reviradors d’òbras de ficcion en pròsa, la data limita del mandadís de las traduccions es fixada al 31 de decembre de 2017.

Lo règlament se pòt demandar a : http://www.letrasdoc.org

*******************

La Letra mesadièra de març de 2017 ven d’espelir. Clicatz aicí per la veire.

Lo Diari n° 33 es sortit clicatz aici per le veire

 *******************

Les corses d'occitan pels adults 2016-2017 ! Quora ? Ont ? Gaitatz aquí !

*******************

Omenatge a l'Andrieu Lagarda,

le 3 de març de 2017

Omenatge a l'Andrieu Lagarda le 3 de març passat a la Bibliotèca de Belestar amb un public nombrós e estrambordat ; totis èran uroses d'escotar tèxtes d'un òme que tota sa vida a trabalhat per la lenga nòstra ; una capitada de las bèlas per las gents de la bibliotèca qu'organizavan aquel rescontre convivial amb la participacion de l'IEO d'Arièja.

DSCN0697.JPG DSCN0698.JPG DSCN0703.JPG IMG_2150.JPG IMG_2153.JPG IMG_2157.JPG



15/05/2015
0 Poster un commentaire
Ces blogs de Politique & Société pourraient vous intéresser

Inscrivez-vous au blog

Soyez prévenu par email des prochaines mises à jour

Rejoignez les 8 autres membres